Saturday, March 9, 2013

പാടാര്‍ കുളങ്ങര വീരന്‍ .... തുടക്കകാരുടെ തെയ്യം



പുതിയ ഭഗവതിയുടെ അനുചരവൃന്ദങ്ങളില്‍ ഒരാളായ ദേവന്‍ ..പാടാര്‍ കുളങ്ങര പുഴയ്ക്കരികില്‍ കൂടി നടന്നു പോകുമ്പോള്‍ പുതിയ ഭഗവതിയും പരിവാരങ്ങളും നീരാടുന്നത് കണ്ട ബ്രാഹ്മണ യുവാവ് ദേവിമാരുടെ നീരാട്ട് കണ്ട് രസിച്ചു നിന്നു .. ബ്രാഹ്മണ യുവാവ് തങ്ങളെ നോക്കുന്നത് മനസ്സിലാക്കിയ ദേവിമാര്‍ തങ്ങളുടെ കൂടെ കുളിക്കുന്നോ എന്നു  ചോദിച്ച്  അരികിലേക്ക് വിളിച്ചു ..തന്നെ വിളിക്കുന്നത്‌ പുതിയ ഭഗവതിയാണ് എന്നറിയാതെ അവിടെ ചെന്ന യുവാവിനോട് ഒന്ന് മുങ്ങി നിവരുവാന്‍ ദേവി ആവശ്യപെട്ടു ... ദേവിയുടെ നിര്‍ദ്ദേശ പ്രകാരം പുഴയില്‍ മുങ്ങിയ ബ്രാഹ്മണനെ നിവര്‍ന്നപ്പോള്‍  ദേവി തലയറുത്തു .. ദേവിയുടെ കൈകൊണ്ടു മരിച്ച ബ്രാഹ്മണന്‍ ദൈവകരുവായി മാറി.. പിന്നീട് പുതിയ ഭഗവതി ,വീരകാളി എന്നിവരോടൊത്ത് പെരിങ്ങളായി കമ്മളുടെ പടിഞ്ഞാറ്റയില്‍ സ്ഥാനം ലഭിക്കുകയും പിന്നീടിങ്ങോട്ട്‌ എല്ലാ പുതിയഭഗവതി ക്ഷേത്രങ്ങളിലും സ്ഥാനം കിട്ടുകയും ചെയ്തു..

വണ്ണാന്‍  സമുദായക്കാരാണ് ഈ തെയ്യം കെട്ടിയാടറുള്ളത്..പല വീരന്മാരെയും തെയ്യമായി കെട്ടിയാടാറുണ്ട് എങ്കിലും ഈ തെയ്യം കെട്ടുന്നത് മിക്കവാറും തെയ്യം കെട്ടിതുടങ്ങുന്ന തുടക്കകാര്‍ ആയിരിക്കും ... പിന്നീട് പേരെടുത്ത മിക്കവാറും പെരുവണ്ണാന്മാരും ആദ്യം കെട്ടിയ തെയ്യം മിക്കവാറും പാടാര്‍കുളങ്ങര വീരന്‍ ആയിരിക്കും.. ആദ്യം ബ്രാഹ്മണനെ പോലെ ഓല കുടയും നെയ്യമൃത് കുടവും കയ്യിലേന്തി  അരങ്ങിലെത്തുന്ന തെയ്യം പിന്നീട് തന്‍റെ  പൂണൂല്‍ പറിച്ചെറിഞ്ഞ് കോഴി അറവു നടത്തി ബ്രാഹ്മണനല്ലാതായി തീരുന്നു.. അത്ര പ്രാധാന്യം ഉള്ളതെയ്യം അല്ലെങ്കിലും ഈ തെയ്യത്തിന്റെ തോറ്റം ഉയര്‍ന്നു ചാടുകയും മലക്കം മറിയുകയും ചെയ്ത് കാണികളെ പിടിച്ചിരുത്തും .. മിക്കവാറും പുതിയ ഭഗവതി ക്ഷേത്രങ്ങളില്‍ ആദ്യം കെട്ടിയാടുന്ന തെയ്യകോലം വീരന്‍ ആയിരിക്കും




 ഫോട്ടോ കടപ്പാട്: ഗൂഗിള്‍ 

6 comments:

  1. Thanks for writing Vineesh... വീരൻ തെയ്യത്തിന്റെ കഥയൊന്നും പൊതുവേ ആരും പറഞ്ഞു കേട്ടിട്ടുമില്ല. അറിയുകയും ഇല്ല. പൂണൂലും ഓലക്കുടയും ഒക്കെയായി കീയുന്ന തെയ്യത്തിന്റെ കഥ ഇപ്പൊഴേ അറിഞ്ഞുള്ളൂ.. ഒരു സംശയം പൊതുവേ രാത്രിയല്ലെ വീരൻ തെയ്യം പുറപ്പെടുന്നത് ? ചിത്രത്തിൽ പക്ഷേ പകലാണല്ലോ ?

    ReplyDelete
  2. thanks for your comment.....എന്റെ നാട്ടില്,എന്റെ വീടിനു തൊട്ടടുത്തുള്ള നരിക്കോട് പുതിയ ഭഗവതി ക്ഷേത്രം അടക്കം ഞാന്‍ കണ്ട വീരന്‍ തെയ്യങ്ങള്‍ എല്ലാം രാത്രി 12-1 മണി സമയത്താണ്..ഈ ചിത്രം ഗൂഗിളില്‍ നിന്നും എടുത്തതാണ് ...ചിലയിടങ്ങളില്‍ ഉച്ചനേരത്ത് കെട്ടിയാടാറുണ്ട് എന്ന് കേട്ടിട്ടുണ്ട്

    ReplyDelete
  3. very good. iniyum pratheekshikkunnu.....

    ReplyDelete
  4. തീർച്ചയായും ... ഒരുപാട് എഴുതാൻ ശ്രമിക്കുന്നുണ്ട്

    ReplyDelete
  5. njangalude naattil veeran pularcheyanu kettiyadunnathu

    ReplyDelete
  6. എന്റെ നാട്ടിലും അതെ . രാത്രി 1 മണി 2 മണി സമയം

    ReplyDelete